كيقولو الناس ديالنا
«اللي بغى يدير الفلوس،
يجمع يديه»
«الفلوس تجيب فلوس»
أهم المميزات
أربعة حوايج كتبدّل علاقتك مع الخلصة.
شحال بقا ليك، من أول نظرة
ملي كتحل التطبيق، أول رقم كتشوفو هو الباقي من الخلصة، وشحال تقدر تصرف كل نهار حتى لآخر الشهر.
- الشهر يقدر يبدا نهار الخلصة، بحال 25
- الكاش، البنكة والادخار كل واحد بالرصيد ديالو
- تنبيه ملي يكون شي التزام مستحق ولا متأخر
كتب، اختار، ✓
شريط الإدخال ديما تحت. كتكتب المبلغ، كتختار البند من جوج أعمدة، وصافي. التطبيق كيتفكّر آخر اختيار، وعندك «تراجع» إلا غلطتي.
- البنود على ذوقك: الحانوت، الطاكسي، الحمّام…
- ضروري ولا كمالي، كيتصنّف بوحدو
ميزانية كتنبهك قبل ما تفوت
حط حد لكل بند. من 80% كيولي أصفر، وإلا فتّي الحد كيولي أحمر وكيقولك بشحال.
فهم فين مشات الخلصة
توزيع الدخل، أكثر البنود، المقارنة بين الشهور، والصرف نهار بنهار. أرقام واضحة، بلا نصائح وبلا أحكام.
الضروري قبل الكمالي
«أش خصك العريان؟
خاتم أمولاي!»
- الكرا، الضو والما، الحانوتضروري
- القهوة، المطعم، الاشتراكاتكمالي
الشاشات
على الحاسوب وعلى التلفون.
الخصوصية
الفلوس ديالك شغلك. والبيانات حتى هي.
ما كاين لا إعلانات، لا بيع ديال البيانات، ولا ربط بالبنكة.
بصراحة
فين وصلنا دابا؟
- نسخة الويب: الإدخال السريع، السجل، الميزانية، الإحصائيات، الحسابات والالتزامات
- قفل الدفتر بكلمة السر، ودورة الشهر حسب نهار الخلصة
- الوضع الفاتح والداكن، على التلفون والحاسوب
- تطبيق أندرويد وآيفون
- إكمال اختبارات المزامنة على أجهزة فعلية
- اختبارات التنبيهات على أجهزة آيفون وأندرويد
أسئلة كيتعاودو
عندك سؤال؟
واش خاصني نصايب حساب؟
تقدر تدخل عبر Google أو البريد. كلمة مرور الحساب مختلفة عن كلمة مرور تشفير الدفتر، ومزامنة Google Drive اختيارية بعد الربط.
واش كتشوفو الحساب البنكي ديالي؟
لا. لمصروف ما كيتربطش بالبنكة. نتا اللي كتسجّل، وهادشي هو اللي كيخلّيك تعيق بالمصاريف.
إلا نسيت كلمة السر ديال القفل؟
البيانات المشفّرة ما يمكنش ترجع بلا كلمة السر، حتى حنا ما نقدروش. لهادشي دير نسخة احتياطية من الإعدادات.
واش كاين فأندرويد وآيفون؟
مازال، كنخدمو عليهم. دابا تقدر تستعمل نسخة الويب من أي تلفون ولا حاسوب.
علاش مفتوح المصدر؟
باش أي واحد يقدر يشوف الكود ويتأكد بلي ما كاين حتى شي حاجة مخبّية. الترخيص GPL-3.0.